🌸🌸🌸🌸🌸

व्याख्यान सत्र…..
मुंबई विद्यापीठ संस्कृत विभागाने
केले सात दिवसीय व्याख्यान सत्र,
ती व्याख्याने म्हणजे जणू ज्ञानाचे
वर्षाव सर्वत्र..
आमच्या विभागप्रमुख ताजणे बाई
आणि इतर गुरुजनांनी जसा पसरविला ज्ञानाचा सुगंध सर्वत्र!!

सत्राचे नाव दिले होते
संस्कृत स्त्रीवैभव…
होती खूप सुंदर ती व्याख्याने
जणू ज्ञानाचा अर्णव!!

पहिले पुष्प गुंफण्या आल्या
समीरा गुजर बाई..
नाट्यशास्त्राच्या दिशा दाखविल्या त्यांनी खूपच सुंदर बाई!!

दुसरे पुष्प गुंफण्या आल्या
धनश्री लेले बाई…
संस्कृत, निवेदन यात संशोधन
त्यांनी केले खूपच सोपे बाई!!

तिसरे पुष्प गुंफण्या आल्या
परिणीता देशपांडे बाई…
हस्तलिखितशास्त्र समजण्या
त्यांनी खोलिले अनेक संशोधनाचे पेटारे‌ बाई!!

चौथे पुष्प गुंफण्या आल्या
मंजूषा गोखले बाई…
संस्कृत साहित्य संशोधनाची
उघडी केली अनेक दालने बाई!!

पाचवे पुष्प गुंफण्या आल्या
आमच्या सर्वांच्याच लाडक्या
गौरी माहुलीकर बाई..
वैदिक ज्ञानाची नवी ओळख
दिली काय सांगू नवलाई!!

सहावे पुष्प गुंफण्या
आल्या उमा वैद्य बाई…
समजावून दिली संस्कृत व्याकरणाची दशा…
व दिशा नवी काही!!

नटला हा सुंदर गुच्छ
स्त्रीवैभवाच्या फुलांनी
ज्ञानाचा जणू सागर उसळला
वाटे विद्यार्थी आणि
जाणत्या श्रोतृजनांसी!!!

श्वेता सातारकर -एम ए पार्ट 2 संस्कृत
🌸🌸🌸🌸🌸🌸🌸